सिमा क्षेत्रमा अलपत्र परेका नेपालीलाई सुदूरपश्चिमेली नेपाली समाजले सुरक्षित गन्तब्यमा पुर्याउने! बिज्ञाप्ति सहित

विशेष समाचार

धनगढी, ११ चैत। सुदूरपश्चिमेली नेपाली समाजले नेपाल भारत सिमा क्षेत्रमा अलपत्र परेका नेपालीहरुलाई तत्काल स्वास्थ्य परिक्षण गरि सुरक्षित गन्तव्य सम्म पुर्याउन सुदूर पश्चिम प्रदेश सरकारलाई ध्यानाकर्षण पत्र जारी गरेको छ ।

समाजका अध्यक्ष धन बहादुर बलायर र महासचिव दिलेन्द्र प्रसाद जोशीद्वारा हस्तान्तर जारि ध्यानाकर्षण पत्रमा वर्तमान अवस्थामा विश्वमा आएको स्वास्थ्य समबन्धि महामारी रोग कोभिड–१९ (कोरोना भाईरस) को संक्रमणबाट विश्वनै त्रसित भएको यस विश्म परिस्थितिको बारेमा हामी सबै अवगत नै छौ ।

यस रोगको रोकथाम का लागि सुदूरपश्चिम प्रदेश सरकारले गरेको पहल (लक डाउन) घोषणा गरेसंगै हिजो साँझदेखि भारत बाट नेपाल फर्किएका व्यक्तिहरु कञ्चनपुरको गड्डाचौकी र धनगढीको गौरीफन्टामा सयौं नेपालीहरु अलपत्र परेका छन् र भने केहि नेपाल फर्कने क्रममा भारतको विभिन्न ठाउँमा भारत सरकार द्वारा (लक् डाउन) घोषणा गरेका कारणले अलपत्र परेको अवस्था छ ।

यस प्रक्रिया द्वारा उत्पन्न परिस्थिति को बारे विभिन्न संचार माध्यमहरुबाट जानकारी भए अनुरूप्, सुदूरपश्चिमेली नेपालीहरुको साझा संस्था सुदूरपश्चिमली नेपाली समाजलाई चिन्तित एवं गम्भीर बनाएको जारी पत्र उल्लेखमा छ । चिन्ता र तनाव को यस अवस्थामा आफ्नो घर-परिवार सँग आफ्नो देश मा बस्न पाउँनु हरेक नागरिकको अधिकार हो ।

यस परिस्थितिमा मुख्यमन्त्री कार्यालय, सामाजिक विकास मन्त्रालय, सुदूर पश्चिम प्रदेश सरकार धनगढी-कैलाली तथा नेपाल सरकारको ध्यानाकर्षण गराउंदै भारतबाट पश्चिम नाकाहुदै आएका सम्पूर्ण नेपालीलाई यथाशिघ्र स्वास्थ्य सुरक्षा अन्तर्गत आवश्यक स्वास्थ्य परिक्षण प्रक्रिया पूर्ण गरि उचित व्यवस्था का साथ गन्तव्य स्थल सम्म आवत-जावत गर्न व्यवस्था मिलाउन हुन् हार्दिक विनम्र अनुरोध गर्दछौ ।

साथै यस विशम परिस्थितिमा सुदूरपश्चिमेली नेपाली समाज सम्पूर्ण रूपले सुदूरपश्चिम प्रदेश सरकार तथा नेपाल सरकारको साथमा रहेको प्रतिबद्धता जानकारी गराउन्द्छौ ।

जारी पत्र उल्लेख गरिएको प्रचार विभाग प्रमुख दिनेश खड्का खप्तडि’ले बताउनु भएको छ । साथै समाजले भारत बाट नेपाल प्रस्थान गर्नु भन्दा पनि सबै जना लाइ यथाइस्थान मा बसी आफ्नो स्वाथ्य को ख्याल संगै यसको रोकथाम तथा न्यूनीकरण मा ध्यान दिनको लागि समेत अनुरोध गरेको छ ।

Leave a Reply