प्रजातन्त्र दिवसको अवसर पारेर गैराखोलामा आज भलिबल खेलको उदघाटन भएको छ । उदघाटन कार्यक्रममा हरिनास गाउँ पालिका कि उपप्रमुख झन माया पराजुलीको प्रमुख आतिथ्य रहेको थियो भने विशिष्ट अथितिमा नेकपा जिल्ला सदस्य सन्त थापा रहनुभएको थियो । त्यस्तै अतिथिहरूमा खुमबहादुर थापा, ओम नारायण मानन्धर, गाउँपालिका सुरक्षाकर्मी बिनोद थापा रहनुभएको थियो भने कार्यक्रमको सभापतिमा नेत्र नारायण मानन्धर रहनुभएकाे थियो ।
सयौंको संख्यामा उपस्थिति रहेको उक्त कार्यक्रममा कोपिला प्रधान मानन्धरको स्वागत मन्तव्य सगै कार्यक्रम सुरु भएको थियो भने कार्यक्रम मा आफ्ना धारणा समेत राख्नुभएको थियो ।
कार्यक्रममा बोल्दै हरिनास गाउँपालिका उपप्रमुखले तथा कार्यक्रममा प्रमुख अतिथि झनमाया पराजुलीले देश बनाउने भनेको नै युवाहरूले हो । प्रजातन्त्र दिवसको अवसर पारेर हरेक वर्ष गैराखोलामा भलिबल प्रतियोगिता राख्नुहुन्छ, यसरी नै भलिबल प्रतियोगिता राखेर हामी एक टोलबाट अर्को टोल, पालिका, जिल्ला हुँदै क्षेत्र र राष्ट्रिय तथा अन्तरास्ट्रिय स्तर सम्म पुग्न सक्छौं । साथै खेलको बिकाससँग सँगै यी खेलाडीहरूले राष्ट्रिय तथा अन्तराष्ट्रिय क्षेत्रमा समेत नाम राख्न शुभकामना दिनुभएको थियो ।
पराजुलीले अगाडि भन्नुहुन्छ – हिजो गैराखोला कसैले चिनेका थिएनन्, आज गैराखोलामा जोशिला युवा भाइहरु निस्किनु भयो र गैराखोलालाई हरिनासमा मात्र होइन, राष्ट्र तथा अन्तर्राष्ट्रियस्तरमै चिनाउन सफल हुनुभएको छ । यसको खुशीयालीमा मेरो तर्फबाट रु ५००० सहयोग गर्ने जानकारी दिनुभएको थियो । साथै हरिनास गा. पा. उपप्रमुखले हरिनास गाउँपालिकामा अपाङ्ग सम्बन्धि हेर्न हुदा उपप्रमुखकै उपस्थितिमा गैराखोलामा रहनुभएका अपाङ्गहरूलाई सम्मान गरिएको थियो ।
उक्त कार्यक्रममा अपाङ्ग सम्मानको लागि न्यानो कपडा चापाकोट नगरपालिका ४ बाल कल्याण मा विका शिक्षक तथा तरुण दल हरिनास सभापति मोहन थापाले ३ थान न्यानो कपडा सौजन्य स्वरूप प्रदान गर्नुभएको थियो । उक्त कार्यक्रममा सभापति थापा उपस्थिति हुन नसकेको कारण क्लबका अध्यक्ष रमेश मानन्धरको हातबाट न्यानो कपडा वितरण गरिएको थियो ।
आज भएको मैत्रीपूर्ण खेलमा आयोजक टिम ए र दार्सिङ् बिचको खेलमा २ सेट नै दार्सिङ्ले हात पार्न सफल भएको थियो । प्रतियोगिताको मुख्य एम्पाएरको भुमिका शुरेस आलेले निभाउनु भएको थियो भने सहायकमा अरुण आले रहनुभएको थियो ।
आजको उदघाटन कार्यक्रमको संचालन बसन्ती मानन्धरले गर्नुभएको थियो भने कार्यक्रमको समापन यस कार्यक्रमका सभापति श्री नेत्र नारायण मानन्धरले गर्नुभएको थियो ।
प्रजातन्त्र दिवसको उपलक्ष्यमा राखिएको यस प्रतियोगितमा भलिबल खेल ११ गतेसम्म रहने छ भने १२ गते ख्यातिप्राप्त गायक तथा गायिकाहरूको बेजोड प्रतुतिको साथमा कृष्मा मगरको नृत्य रहने कुरा क्लबका अध्यक्ष रमेश मानन्धरले जानकारी दिनुभयो ।
केहि तस्विरहरूः
