अमेरिकामा रहस्यमय रूपमा बेपत्ता भएकी नेपाली मूलकी नर्स ममता काफ्लेको मुद्दामा उनका पति नरेश भट्टलाई अदालतबाट ठूलो धक्का लागेको छ।
सोमबारदेखि सुरु हुन लागेको अन्तिम अदालती सुनुवाइ (बहस) अगाडि नरेशका वकिलहरूले ममतामाथि भएको भनिएको घरेलु हिं’सा र या’त’नाका कुराहरू अदालतमा उठाउन नपाइने माग गरेका थिए। तर भर्जिनियाको अदालतकी न्यायाधीश किम्बर्ली अर्भिङले नरेश पक्षको उक्त माग खारेज गरिदिएकी छन्।
अदालतको यो निर्णयसँगै अब सरकारी वकिलहरूले मुद्दाको सुरुवाती बहसमै नरेशले ममतामाथि विगतमा गरेका कु’ट’पि’ट, दु’र्व्य’व’हा’र र मा’न’सि’क या’त’ना’का विषयहरू खुलेर उठाउन पाउने भएका छन्।
बिहीबार अदालतमा भएको छलफलका क्रममा नरेशका सरकारी वकिल लाउरेल रोडेवाल्डले नरेशले विगतमा श्रीमतीमाथि गरेको भनिएको नराम्रो व्यवहार र या’तना’का कुराहरू सुरुमै उठाएमा अदालतका निर्णायक सदस्यहरू (जुरी) भड्किन सक्ने भन्दै ती कुरा सुरुवाती बहसमा उठाउन रोक लगाउन माग गरेका थिए।
तर सरकारी वकिलहरूले यसको कडा विरोध गरे। सरकारी पक्षको तर्क थियो, “कुनै पनि मुद्दामा निष्पक्ष निर्णय लिनका लागि छनोट गरिने जुरीहरू निष्पक्ष छन् कि छैनन् भनेर बुझ्न घरेलु हिं’सा’का विषयमा प्रश्न सोध्न पाउनु अनिवार्य हुन्छ। घरेलु हिं’सा भनेको हा’त’पा’त मात्र होइन, आर्थिक, मा’नसि’क र भा’वनात्म’क या’त’ना पनि हो।”
दुवै पक्षको कुरा सुनेपछि न्यायाधीश किम्बर्ली अर्भिङले भनिन्— “म वकिलहरूलाई हरेक साना कुरामा नियन्त्रण गर्न चाहन्नँ। जुरी छनोटको उद्देश्य निष्पक्ष मानिस छान्नका लागि हो, भावना भड्काउनका लागि होइन।”
उनले नरेशको निवेदन खारेज गर्दै वकिलहरूलाई भनिन्, “अब सोमबार बिहान ९ बजे भेटौँला।”
अदालतको तालिका अनुसार नरेश भट्टलाई सोमबार बिहान ९ बजे अदालतमा उपस्थित गराइनेछ। त्यसपछि करिब ३०० जना आम नागरिकहरूमध्येबाट मुद्दाको निष्पक्ष फैसला गर्न सघाउने ‘जुरी’ (निर्णायक मण्डल) छनोट गर्ने काम सुरु हुनेछ। यो बहुचर्चित मुद्दाको पूर्ण सुनुवाइ करिब ७ हप्तासम्म चल्ने अनुमान गरिएको छ।
ममता बेपत्ता भएदेखि नै निरन्तर न्यायको आवाज उठाउँदै आएकी उनकी पूर्वसहकर्मी तथा मिल्ने साथी होली वर्थले अब बल्ल मुद्दाको अन्तिम सुनुवाइ सुरु हुन लागेकोमा भावुक प्रतिक्रिया दिएकी छन्।
“मेरा लागि न्याय भनेको नरेश भट्टलाई कानुनले तोकेको अन्तिम हदसम्म दोषी ठहर गरेर कडाभन्दा कडा सजाय हुनु हो,” वर्थले भनिन्, “तर त्योभन्दा पनि ठूलो कुरा ममताको परिवारले सत्य थाहा पाउनु हो। त्यो घरभित्र आखिर के भयो? ममताको श’व कहाँ छ? हामी कसैलाई थाहा छैन। यी सात हप्ताको बहसले ममताको परिवारलाई जवाफ देओस् र उनीहरूको मनमा शान्ति मिलोस्।”
ममतालाई सम्झिँदै उनले भनिन्, “ममता निकै मिजासिली, दयालु र आफ्नी एक वर्षीया छोरीलाई असाध्यै माया गर्ने आमा थिइन्। उनी घरेलु हिं’साको शि’कार भइन्। यो सुनुवाइभरि ममतालाई सबैले सम्झिरहून्।”
भर्जिनियाको मनाससमा बस्दै आएकी २८ वर्षीया ममता काफ्ले लामो समयदेखि रहस्यमय रूपमा बेपत्ता छिन्। प्रहरीले घरमा खानतलासी गर्दा कोठाभित्र र’ग’त’का छिटाहरू फेला पारेपछि उनका पति नरेश भट्टलाई पक्राउ गरेको थियो। नरेशमाथि श’व लु’काएको र ह’त्या ग’रेको अभियोगमा मुद्दा चलाइएको छ। S
