जिल्ला मोरंग लेटाङ्ग नगरपालिका वडा न २ फडानी निवासी पिता नबिन गौतम र माता भिम कुमारी गौतमका सुपुत्री १३ बर्षीय अन्सु गौतम को विभत्स हत्या गरी स्थानिय चिसांग खोलाको जंगलमा फालिएको अवस्थामा फेला पारिएको थियो ।
प्रहरीले मोरङको लेटाङमा १३ वर्षीया बालिका अंशु गौतमको हत्यामा संलग्नको पहिचान गरेको छ। लेटाङ नगरपालिका–२ की अंशुको बलात्कारपछि हत्या भएको घटनामा डेढ महिना लामो सघन अनुसन्धानपछि प्रहरीले सफलता पाएको थियो ।
बलात्कारपछि हत्या गरिएको अपराधमा संलग्न अभियुक्तलाई नियन्त्रणमा लिएर मोरङ प्रहरीले आइतबार पत्रकार सम्मेलन गरी घटनाको विस्तृत विवरण सार्वजनिक गरेको छ। अंशु हराएको करिब दुई महिना र पहिचान नै गर्न नसकिने गरी कुहिएको अवस्थामा शव फेला परेको ४४ दिनपछि प्रहरीले उनकै छिमेकी ५९ वर्षीय पदमबहादुर अधिकारीलाई पक्राउ गरेको हो।
उनको दाहासंस्कार गर्न कमजोर आर्थिक अवस्था भएको जानकारीमा आएपछि सहयोगी मनहरुको समाजकि केन्द्रीय सदस्य राधा देवी गौतम मार्फत उनको पारिवारिक आर्थिक अवस्था समेत नाजुक भएको खबर प्राप्त हुनसाथ संस्थामा आएको सहयोगकाे अपेक्षापछि सहयोगी मनहरूको समाज काठमाडाैंले तत्काल काजक्रिया गर्न सहयोग पुगोस भन्ने हेतुले रु- १५०००- ( पन्ध्र हजार) सहयोग गर्ने निर्णय गरि उक्त सहयोग रकम संस्थाका केन्द्रीय उपाध्यक्ष कृष्ण बहादुर निरौला मार्फत स्व. अँशु गौतमका पिता नविन गौतमलाई हस्तान्तरण गरिएको छ ।
साथै यस दुखद घडीमा सोकाकुल परिवारजनमा धैर्य धारण गर्ने शक्ति श्री पशुपतिनाथले प्रधान गरुन भनि कामना गर्दै मृत आत्मा प्रति भाव पूर्ण श्रद्धाञ्जली अर्पण गर्दछौ ।
सहयोगी मनहरुको समाज परिवार, काठमाडाैं ।
केहि तस्विरहरू…
