काठमाडौँ । नायिका स्वेता खड्कालाई पुत्रीलाभ भएको छ । नायिका श्वेताले पहिलो सन्तानका रुपमा छोरीलाई जन्म दिएकी हुन् ।
काठमाडौंको ग्रान्डी सिटी अस्पतालमा श्वेताले अप्रेशनको माध्यमबाट छोरीलाई जन्म दिएको उनको पारिवारिक स्रोतले जानकारी दिएको छ । उनले गतवर्ष मात्रै प्रेमी विजेन्द्र सिंह रावतसँग बिहे गरेकी थिइन् । स्वेताले आमा बन्न लागेको खबर केही महिना गोप्य राखेकी थिइन् ।
यो पनि हेर्नुहाेस्ः सन्दिपकाे बयान सकियो
काठमाडौं । बलात्कार आरोपमा पक्राउ परेका क्रिकेटर सन्दीप लामिछानेको आज बयान सकिएको छ । लामिछानेविरूद्ध दायर भएको मुद्दा आज न्यायाधीश माधवप्रसाद घिमिरेको इजलासमा परेको थियो ।
लामिछानेको बयान आज सकिएसँगै अब भोलिदेखि थुनछेक बहस हुने अदालतका प्रवक्ता दीपक दाहालले जानकारी दिए । लामिछानेविरूद्ध हिजो सरकारी वकिलको कार्यालय काठमाडौंले दायर गरेको मुद्दाको आज काठमाडौं जिल्ला अदालतमा उनीसँग बयान लिएको हो ।
आजै थुनछेक बहस पनि हुने बताइएपनि बयान नसकिएकोले भोलिदेखि मात्र थुनछेक बहस सुरु हुने भएको हो । लामिछानेविरूद्ध १० वर्षदेखि १२ वर्षसम्म कैद सजाय माग गर्दै हिजो काठमाडौं जिल्ला अदालतमा मुद्दा दायर भएको थियो ।
सन्दीपलाई पुर्पक्षका लागि थुनामा राख्ने, तारेखमा छाड्ने वा धरौटमा छाड्ने भन्ने विषयमा थुनछेक बहसपछि अदालतबाट आदेश आउनेछ । अव केही दिनभित्रै अदालतको फैसला आउने सम्भावना रहेको छ ।
लामिछानेलाई मुलुकी अपराध संहिता, २०७४ को दफा २१९ (२) को कसुरको अभियोग लगाइएको हो । दफा २१९ को उपदफा ३ (घ) बमोजिम १० वर्षदेखि १२ वर्षसम्मको कैद माग गर्नुका साथै पीडितलाई उचित क्षतिपूर्ति दिलाउन माग गरिएको छ ।
