काठमाडौँ । प्रधानमन्त्री पुष्पकमल दाहाल ‘प्रचण्ड’ बालुवाटारस्थित सरकारी निवासमा सरेका छन् । ललितपुरको खुमलटारस्थित निजी निवासबाट प्रधानमन्त्री प्रचण्ड आज साँझ सरकारी निवास बालुवाटार सरेका हुन् ।
प्रधानमन्त्रीको सरकारी निवास बालुवाटारको चाबी प्रधानमन्त्री प्रचण्डकी कान्छी छोरी गंगा दाहालले बुझेकी छन् । प्रधानमन्त्री प्रचण्डको परिवार ज्योतिषलाई साइत हेराएरै आज साँझ पौने ७ बजे परिवार बालुवाटार प्रवेश गरेको हो ।
अध्यक्ष प्रचण्ड आइतबार प्रधानमन्त्रीमा नियुक्त भएका थिए । उनले सोमबार पद तथा गोपनीयताको शपथ लिएका थिए । निवर्तमान प्रधानमन्त्री शेरबहादुर देउवा आजै बालुवाटार छाडेर धुम्बाराहीस्थित भाडाको घरमा सरेका छन् ।
यो पनि पढ्नुहोस्ः देउवाले बालुवाटार छोडेपछि
काठमाडौँ । निवर्तमान प्रधानमन्त्री शेरबहादुर देउवाले प्रधानमन्त्री निवास बालुवाटारबाट छोडेपछि नेकपा (माओवादी केन्द्र) का अध्यक्ष एवं प्रधानमन्त्री पुष्पकमल दाहाल ‘प्रचण्ड’ सरेका छन् ।
प्रधानमन्त्री प्रचण्ड आज साँझ खुमलटारबाट सरकारी निवास बालुवाटार सरेका हुन् । यसअघि निवर्तमान प्रधानमन्त्री देउवा ज्योतिषलाई साइत हेराएर मात्र बालुवाटार सर्ने गर्थे भने यसपटक कम्युनिष्ट प्रधानमन्त्री प्रचण्ड पनि साइत हेरर बालुवाटार प्रवेश गरेका छन् ।
यद्यपि प्रचण्ड ज्योतिष टिकाराम घिमिरेले जुराएको साइत साँझ ५ बजेको साइत भन्दा लगभग एक घण्टा २० मिनेट ढिलो साँझ ६ः२० बजे बालुवाटार प्रवेश गरेका छन् । देउवा आज दिउँसो बालुवाटार छोडेर धुम्बाराहीमा भाडाको घरमा सरेका छन् ।
प्रधानमन्त्रीमा ‘प्रचण्ड’ नियुक्त भएसंगै पदमुक्त भएपछि देउवा बालुवाटा छाडेर धुम्बाराहीस्थित भाडाको घरमा सरेका हुन् । गत पुस १० गते प्रचण्ड प्रधानमन्त्रीमा नियुक्त भएका थिए ।
