हिजो देउसी खेल्न गएका मेचीनगर १० धुलाबारीका भरत जैसवाल आज मृत फेला परेका छन ।
हिजो बेलुका देउसी खेल्न भन्दै घरबाट निस्किएका ३० बर्षिय जैसवाल आज अपरान्ह मेचीनगर ११ स्थीत गोजाबस्तीमा मृत अवस्थामा भेटिएको इलाका प्रहरी कार्यालय धुलाबारीका प्रमुख प्रहरी निरीक्षक रोहित शर्माले जानकारी दिनुभयो ।
आज दिउँसो २ः३० बजेको समयमा स्थानीयहरुले लडिरहेको देखेर प्रहरीलाई खबर गरेपछि प्रहरी पुगेको थियो । प्रहरी पुग्नु अघि नै जैसवालको मृत्यु भइसकेको प्रहरी निरीक्षक शर्माले बताउनुभयो ।
मृतकको कानूनी प्रक्रिया पुरा गरी शबलाई परिवारको जिम्मा लगाएको शर्माले बताउनुभयो ।
