प्रतिनिधिसभा निर्वाचनतर्फ काठमाडौं क्षेत्र नम्बर ७ मा नेकपा एमालेले अग्रता बनाएको छ ।
यसअघि राष्ट्रिय स्वतन्त्र पार्टीका उम्मेदवार गणेश पराजुली अगाडि रहेको काठमाडौं ७ मा अहिले १३५८ मतका साथ नेकपा एमालेका उम्मेदवार श्यामकुमार घिमिरे अगाडि रहेका छन् ।
घिमिरेलाई राष्ट्रिय स्वतन्त्र पार्टीका उम्मेदवार गणेश पराजुलीले १०६५ मतले पछ्याइरहेका छन् । काठमाडौं ७ मा काँग्रेस गठबन्धनकी उम्मेदवार मानुषी यमी भट्टराई तेस्रो स्थानमा रहेकी छिन् । यमीले ९६३ मत प्राप्त गरेकी छिन् ।
एमालेबाट विद्रोह गरी स्वतन्त्र उम्मेदवारी दिएका पूर्व सांसद रामवीर मानन्धरले १२९ मत प्राप्त गर्दा जनता समाजवादी पार्टीका उम्मेदवार राजेन्द्र श्रेष्ठले १५२ मत पाएका छन् ।
